അപ്പോ ആർക്ക് ആരോടാണ് ശരിക്കും INFACTUATION അഥവാ മതിഭ്രമം

INFACTUATION അഥവാ മതിഭ്രമം 

സിനിമകളിൽ ധാരാളം കേട്ടിട്ടുണ്ടെങ്കിലും നേരിട്ട് ആ വാക്ക് കേൾക്കുന്നത് അവളോട്‌ പ്രണയം കേഴുമ്പോളാണ് 

മോളേ നിന്നോടെനിക്ക് ഭയങ്കര മുഹബത്താണ് എന്നൊക്കെ ധൈര്യത്തോടെ  പറയണം എന്ന് ആഗ്രഹിച്ചു എങ്കിലും അണ്ടിയോട് അടുത്തപ്പോളാണ് മാങ്ങയുടെ ശരിയായ പുളി അറിയുന്നത് പിന്നെ ഒരു തരത്തിൽ സ്വയസിദ്ധമായ ഭാഷയിൽ ഡീ പോത്തേ നിന്നെ എനിക്ക് ഇഷ്ടമാണ് എന്താണ് നിന്റെ അഭിപ്രായം എന്ന് പിന്നെ പറഞ്ഞാൽ പോരാ ഇപ്പൊത്തന്നെ പറയണം എന്ന് പറഞ്ഞൊപ്പിച്ചു അപ്പോളാണ് ആദ്യമായി ആ വാക്ക് കേൾക്കുന്നത് ചേട്ടായിക്ക് ശരിക്കും INFACTUATION ആയിരിക്കും  അല്ലാതെ പ്രണയം ആയിരിക്കാൻ സാധ്യത ഇല്ല ഒന്നൂടെ ആലോചിച്ചു നോക്ക് എന്നൊക്കെ ഇങ്ങോട്ടും വന്നു പിന്നങ്ങോട്ട് ഒന്നുരണ്ടാഴ്ച infactuation എന്ന വാക്ക് മാത്രമായി ചുരുങ്ങിയ ഫോൺ സംഭാഷണങ്ങൾ അവസാനം infactuation അല്ലാ ശരിയായ പ്രണയം എന്ന കണ്ടെത്തലിൽ രണ്ടാളും എത്തിച്ചേർന്നു പിന്നീടുള്ള കാലം ആ വാക്ക് ഞാൻ കേട്ടിട്ടില്ല ഏറെനാളത്തെ മത്സര പ്രണയശേഷം യാതൊരു ദാക്ഷിണ്യവും ഇല്ലാതെ എന്തിനാണ് എന്നുപോലും പറയാതെ അടപടലം തേപ്പും വാർപ്പും ഒരുമിച്ച് നടത്തി

അവളെന്നെ വിട്ടു പോയതിന്റെ ഹാങ്ങോവർ മാറിയപ്പോൾ എന്റെ മനസിൽ അവശേഷിച്ച ഒരു ചോദ്യം ഇതാണ്... 

അപ്പോൾ ആർക്കായിരുന്നു ശരിക്കും INFACTUATION

നീ ഭൂമിയിൽ പതിക്കും മുൻപ് ആദ്യം തൊട്ടതൊരു യോനിയിൽ , ആദ്യം കുടിച്ചതൊരു മുലയും ..

നീ ഭൂമിയിൽ പതിക്കും മുൻപ് ആദ്യം 
തൊട്ടതൊരു യോനിയിൽ , 
ആദ്യം കുടിച്ചതൊരു മുലയും .. 
അമ്മക്കില്ലാത്ത എന്താണ് നീ അവളിൽ കാണുന്നത് ..
നിൻ കാമകണ്ണിൽ നിന്നെ ഇത്ര മേൽ ത്രസിപ്പിക്കുവാൻ
എന്താണ് ഒരുവളിൽ ഉള്ളത് ..

പെണ്ണിൻ ശരീരമെന്നാൽ
നിൻ തുപ്പൽ ഏറ്റ് വാങ്ങാനുള്ള കോളാമ്പിയല്ല ..
നിൻ ആട്ടിയകറ്റലിൻ ഗർജിക്കാനുള്ള സ്ഥലവുമല്ല ..
നിൻ ഭാവന തീർക്കാനും , കൊടും ക്രൂരമായ
പ്രവർത്തികൾ ചെയ്യാനുമുള്ള വൃക്ഷവുമല്ല ..
പെണ്ണിൻ ശരീരം അഭിമാനമാണ് ,
കണ്ണ് തുറന്നാൽ നിനക്ക് കാണാനാകും ..

ആര്‍ത്തവത്തിനു മുന്‍പുള്ള ഒരു പെണ്ണിൻ ശാരീരികാവസ്ഥ വിശുദ്ധമാണ്  ..
അതിന് ശേഷം
അവളുടെ ശരീരം ചുവപ്പാൽ അശുദ്ധമാകുന്നത്
അടുത്ത തലമുറയെ ഉല്‍പാദിപ്പിക്കാനായി
അവളുടെ ശരീരം തയ്യാറെടുക്കുന്ന സമയമാണ് ..

ദൈവത്തിന്‍ മുന്‍പില്‍
പെണ്ണ് ആണിനേക്കാൾ ഒരു പടി ശ്രേഷ്ട്ടയാണ് ..
അതിനാലാണ് ജീവന്‍റെ തുടിപ്പിനെ ഏറ്റ് വാങ്ങാനും
ഒരു പോറല്‍പോലുമേല്‍പ്പിക്കാതെ ചുമന്ന് നടക്കാനും നൊന്ത് പ്രസവിച്ച് മുലയൂട്ടി വളര്‍ത്താനും
പെണ്ണിനെ ഏല്‍പ്പിച്ചത് ..

ഒരു പെണ്ണാണ് നിൻ ശരീരത്തിനും ജീവനും പുറമേ
ഒരു മനുഷ്യനെന്ന നിലയില്‍
നിൻ വ്യക്തിത്വവും സ്വഭാവും രൂപപെടുത്തുന്നതില്‍ പ്രധാന പങ്ക് വഹിക്കുന്നത് ..

പെണ്ണിൻ ശരീരം കൊത്തിവലിച്ചവനും ,
പെണ്ണിൻ മാംസം നുണയുമ്പോഴും ,
അത് കണ്ടാസ്വദിക്കുമ്പോഴും മറന്ന് പോകുന്ന ഒന്നുണ്ട് ..
പെണ്ണിൻ ശരീരം ആസ്വദിക്കുമ്പോൾ ,
പിച്ചിയെറിയുമ്പോൾ , തോറ്റു പോകുന്നത്
നിനക്ക്  ജന്മം നൽകിയ മാതൃ ഹൃദയമാണെന്നും ,
ആ അമ്മ മനമാണെന്നും ..

നിനക്ക് ഇനി ഒരു പെണ്ണുമായി തുല്ല്യത വരണമെങ്കില്‍
നീ അവളിലേക്കാൾ മൂന്നുപടി മുകളിൽ കയറണം ..
ഗര്‍ഭധാരണം , പ്രസവം , മുലയൂട്ടല്‍ ..
അതിനുള്ള ക്ഷമയും സഹനശക്തിയും നിനക്കില്ല ..

പെണ്ണിൻ ശരീരമെന്നത്
ചൂഷണം ചെയ്യപ്പെടേണ്ടതല്ലെന്നും ,
പെണ്ണെന്നാൽ ലൈംഗികതയ്ക്കുള്ള ഒരു ഉപകരണം മാത്രമല്ലെന്നും മനസ്സിലാക്കി
ആണിന് പെണ്ണിനെ കുറിച്ചുള്ള  ധാരണയും മാറണം ..

ഒരുവളോട്
നിനക്ക് അടക്കം വേണം , ഒതുക്കം വേണം
എന്ന് മാത്രമല്ല പറഞ്ഞ് കൊടുക്കേണ്ടത് ,
ആണിനോട് പറഞ്ഞ് കൊടുക്കണം
പെണ്ണിനെ ഒതുക്കത്തിൽ കിട്ടിയാൽ
കീഴടക്കാൻ ഉള്ളതല്ല എന്ന് ..

ഒരുവളോട്,  നീ പെണ്ണാണ് പെണ്ണാണ് എന്ന്
നിരന്തരം ഓർമ്മിപ്പിക്കും മുൻപ്
ആൺമക്കളോട് ഒരിക്കലെങ്കിലും പറഞ്ഞ് കൊടുക്കണം ,
നിങ്ങൾ ആണുങ്ങളാണെന്നും ,
പെണ്ണെന്നാൽ സഹജീവിയാണെന്നും
അവളൊരു മാംസം മാത്രമല്ലെന്നും ഓർമ്മിപ്പിക്കുക ..

എന്തെന്നാൽ ഏതൊരു പെണ്ണും
നാളെയൊരിക്കല്‍ ഒരമ്മയാവേണ്ടതാവാണ് ,
അമ്മക്ക് തുല്ല്യം അമ്മ മാത്രമേയൊള്ളൂ എന്നറിയുക ,
ഏതൊരു സ്ത്രീയോടും സംസാരിക്കുമ്പോഴും ,
പെരുമാറുമ്പോഴും ബഹുമാനത്തോടും
സ്നേഹത്തോടും സംസാരിക്കാനും
പെരുമാറാനും ശ്രമിക്കുക ..

പലപ്പോഴും സ്ത്രീ എന്നതിനെ
ബഹുമാനിക്കാൻ പഠിച്ചില്ലെങ്കിലും അപമാനിക്കാതിരിക്കാൻ പഠിക്കുക .. !